Oliy Majlisning Inson huquqlari boʼyicha vakili (ombudsman) Feruza Eshmatova 1979 yil Qashqadaryo viloyatida tugʼilgan. 2000 yilda Jahon iqtisodiyoti va diplomatiya universitetini tamomlagan. Yuridik fanlar doktori.
2002-2015 yillarda Jahon iqtisodiyoti va diplomatiya universitetida faoliyat yuritgan. 2015-2020 yillarda Oliy Majlis Qonunchilik palatasi deputati boʼlgan. 2020 yildan hozirga qadar Oliy Majlis Senatining Xotin-qizlar va gender tenglik masalalari qoʼmitasi raisi sifatida ishlagan.
Aliya Yunusova yuridik fanlar nomzodi, 20 yildan ortiq vaqt davomida bolalar huquqlari bilan shug‘ullanadi. 1999 yildan buyon u Inson huquqlari bo‘yicha milliy markazning taʼlim bo‘limi mudiri bo‘lib, u yerda bolalar huquqlari sohasidagi qonunchilikni takomillashtirish, bolalar huquqlari to‘g‘risidagi qonun loyihasini ishlab chiqish bilan shug‘ullangan. 2004 yildan beri u uch marta Oliy Majlis Qonunchilik palatasi deputati etib saylangan.
Nelli Karimova — jurnalist, ko‘ngilli. Joan Roulingning Lumos xayriya jamg‘armasida amaliyot o‘tagan. Jamg‘arma 2005 yilda tashkil etilgan va butun dunyo bo‘ylab deinstitutsionalizatsiya g‘oyasini ilgari suradi. Shuningdek, u Chexiyadagi yetim bolalar profilaktikasi sohasida ishlaydigan Amaltea fondida o‘qib chiqqan.
1987 yil 18 sentyabr kuni Toshkent shahrida tug‘ilgan. 2005-2009 yillarda Toshkent davlat yuridik instituti talabasi bo‘lgan. 2015-2016 yillarda O‘zbekiston Respublikasi Prezidenti huzuridagi Davlat boshqaruvi akademiyasi tinglovchisi sifatida o‘qishni muvaffaqiyatli yukunlagan.
Mehnat faoliyatini 2009 yilda O‘zbekiston Fanlar Akademiyasi Polimerlar kimyosi va fizikasi institutida toifasiz mutaxacsis, kichik ilmiy xodimi lavozimida boshlagan. Keyinchalik, 2009-2014 yillar davomida Ombudsman Kotibiyatida turli lavozimlarda faoliyat yuritib kelgan. 2014 yil apreldan O‘zbekiston Respublikasi Oliy Majlisining Inson huquqlari bo‘yicha vakili Kotibiyati mudiri lavozimida ishlab kelmoqda.
S.Azimov o‘z mehnat faoliyati davomida inson huquq va erkinliklarini taʼminlash, fuqarolarning qonuniy manfaatlarini himoya qilish borasidagi ko‘plab qonun va qonunosti hujjatlar loyihalarini ishlab chiqishda ishtirok etgan. Xususan “O‘zbekiston Respublikasi Oliy Majlisining Inson huquqlari bo‘yicha vakili (ombudsman) to‘g‘risida”gi, “Jismoniy va yuridik shaxslarning murojaatlari to‘g‘risida”gi, “O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil to‘g‘risida”gi, “Parlament nazorati to‘g‘risida”gi, “Jamoatchilik nazorati to‘g‘risida”gi O‘zbekiston Respublikasi Qonuni loyihalari bo‘yicha Oliy Majlis Qonunchilik palatasida tuzilgan ishchi guruhlari tarkibida o‘zining takliflari bilan faol ishtirok etgan.
Huquqshunos sifatida tajribaga ega, qonunchilik tizimidagi mavjud muammolarni aniqlash va ularni tizimli hal qilish borasida yetarli tajribaga ega. Normativ-huquqiy hujjatlar loyihalarini tayyorlashda, ularni amalga oshirishning pirovard natijalari va oqibatlarini oldindan baholay oladi, axborot-tahliliy materiallarni tayyorlashda yetarli ish tajribasiga ega.
Kotibiyati mudiri o‘z vakolati doirasida:
O‘zbekiston Respublikasi Prezidenti Administratsiyasi, Oliy Majlis palatalari devonlari, Vazirlar Mahkamasining ijro apparati, shuningdek, davlat boshqaruvi, huquqni muhofaza qiluvchi va sud organlari, mahalliy davlat hokimiyati organlari
O‘zbekiston Respublikasi Prezidenti Administratsiyasi, Oliy Majlis palatalari devonlari, Vazirlar Mahkamasining ijro apparati, shuningdek, davlat boshqaruvi, huquqni muhofaza qiluvchi va sud organlari, mahalliy davlat hokimiyati organlari bilan o‘zaro munosabatlarda Kotibiyat nomidan ish ko‘radi;
Kotibiyat, uning sektorlari samarali ishlashini taʼminlaydi, Kotibiyat zimmasiga yuklangan funksiyalar bajarilishi uchun shaxsan javob beradi;
Kotibiyat tarkibiy sektorlari ishini muvofiqlashtirib boradi va ularning faoliyatini nazorat qiladi;
Vakil, uning o‘rinbosari faoliyatining hisobot va maʼruzalar, axborot materiallari bilan taʼminlanishini yaxshilash, axborotni qayta ishlash va tahlil qilishning zamonaviy usullari va vositalarini joriy etish chora-tadbirlarini ko‘radi;
Kotibiyat tadbirlari rejasi tayyorlanishini tashkil etadi, Vakil topshirig‘iga binoan birgalikda Inson konstitutsiyaviy huquqlari va erkinliklariga rioya etish bo‘yicha komissiya majlislari kun tartibi loyihalarini ishlab chiqadi;
Vakilning parlament palatalari bilan hamkorligini va qo‘shma tadbirlar o‘tkazilishini taʼminlaydi, Vakil o‘rinbosari bilan birgalikda Vakil va davlat organlari o‘rtasida imzolangan o‘zaro hamkorlik to‘g‘risidagi bitimlar, memorandumlarda belgilangan vazifalarni amalga oshirilishi bo‘yicha ishlarni muvofiqlashtiradi;
Kotibiyat tarkibiy sektorlarida tayyorlangan masalalar to‘g‘risida Vakilga xabar beradi;
Kotibiyat faoliyatini takomillashtirishga doir chora-tadbirlar ishlab chiqilishini taʼminlaydi, Vakil ko‘rib chiqishi uchun Kotibiyat tuzilmasi, shtatlari va kadrlari tarkibi masalalari yuzasidan takliflar, Kotibiyat xodimlarining malakasini oshirish, mehnat intizomini mustahkamlash bo‘yicha ishlarni tashkil etadi.
Vakilning qonunda belgilangan vazifalarini amalga oshirish yuzasidan zaruriyat tug‘ilgan hollarda, Kotibiyatga muayyan (Vakil tomonidan belgilangan) vazifalarni bajarish uchun shartnoma asosida tajribali mutaxassislarni jalb qiladi;
Kotibiyat mudiri qonun hujjatlariga muvofiq boshqa funksiyalarni ham bajaradi.