Shu kuni Oliy Majlis Qonunchilik palatasiga tashrif doirasida "Inson huquqlari va qonun ustuvorligi yo‘lidagi hamkorlik: O‘zbekiston va Rossiya Ombudsman institutlari hamkorligi" mavzusida davra suhbati bo‘lib o‘tdi.

Tadbir yakunida Ombudsmanlar o‘rtasida hamkorlik Memorandumi imzolandi. Ushbu memorandum doirasida murojaatlarni ko‘rib chiqish, axborot-tahliliy va huquqiy materiallar almashish, inson huquqlarini himoya qilish sohasida xalqaro tajriba va ilg‘or ishlanmalar, faoliyat metodlarini o‘rganish bo‘yicha qo‘shma ilmiy-tadqiqot tadbirlarini amalga oshirish, konferensiyalar, seminarlar va davra suhbatlarini, shu jumladan, xalqaro tashkilotlar va forumlar tashkil etish rejalashtirildi.

Oliy Majlisning Inson huquqlari bo‘yicha vakili (ombudsman) Matbuot xizmati